“Nisim fushatën e fitores”/ Berisha takim me kryesinë e PD në Lezhë: Të humbasësh 45% të popullsisë në afat të shkurtër, fatkeqësi kombëtare

Kryetari i Partisë Demokratike, Sali Berisha, ndodhet sot në Lezhë në kuadër të takimit të tij me kryesinë e PD-së në Lezhë.

Në nisje të fjalës së tij, Berisha tha se PD po nis tashmë fushatën e fitores, për zgjedhjet parlamentare që do të mbahen më 11 maj të vitit që vjen.
Teksa kritikoi ashpër qeverisjen e Edi Ramës, kryedemokrati tha se është fatkeqësi kombëtare fakti që nga Shqipëria në një afat të shkurtër kohor janë larguar pothuajse 45% e popullsisë.

Sali Berisha: Do vij t’ju takoj kudo në qytete dhe fshatra. Faktikisht ne nisim fushatën e fitores, fushatën elektorale e një rëndësie vendimtare për Shqipërinë, për të ardhmen dhe stabilitetin e saj. Shqiptarët e panë me rastin e Assadit se çfarë ndodh kur grabiten çdo katër vite mandatet e qytetarëve. Nuk them se janë të njëjta, por diktaturat kanë ngjashmëri. Ka larguar për hapësirën e  Shengeni 1 mln e 99 mijë shqiptarë gjerë në vitin 2024, dy muaj më parë ,statistika e Eurostat. Të humbasësh 45% të kombit në afat të shkurtër, kjo është fatkeqësi e madhe kombëtare. Ky ka zhytyr në varfëri lemeritëse këta që jetojnë këtu. Në një varfëri në rritje.

NDIQE LIVE “PANORAMA TV”

© Panorama.al
Burimi