Msakroi bashkëshorten me thikë dhe u vtëvra duke u hedhur nga ballkoni, dalin fotot e viktimave! Çifti do të varrosen në Shqipëri, çfarë deklaroi vëllai 44-vjeçares

Panorama.com.al

13/03/2025

👁1042

Ky është 53-vjeçari shqiptar, i cili ditën e djeshme masakroi me thikë gruan e tij 44-vjeçare në banesën e tyre në Sindos të Selanikut dhe më pas i dha fund jetës duke u vetëhedhur nga ballkoni i katit të dytë.

Sipas mediave greke, varrimi i gruas do të bëhet nesër (14 Mars) në Shqipëri. Gjithashtu edhe ndërsa varrimi i 53-vjeçarit do të bëhet në atdhe në ditët në vijim.
Ndërkohë dy vajzat e çiftit shqiptar, 16 dhe 21 vjeçe, të cilat humbën papritur prindërit, ndodhen në gjendje shoku dhe mësohet se nuk kanë mundur të dëshmojnë në polici.
Mesditën e së mërkurës, pak para orës 13:00 kur ndodhi vrasja, fqinjët nuk kanë dëgjuar zëra nga banesa e katit të dytë ku çifti jetonte me dy fëmijët.
“Jemi në banesën ngjitur dhe nuk kemi dëgjuar as zhurmë, asgjë. Ata shkonin në punë, ishin familje dhe kishin fëmijë”, deklaroi një fqinj, sipas protothema.gr.
Ndërkohë, në fotot e publikuara nga autori në rrjetet sociale tregojnë momente familjare, nga udhëtimet me bashkëshorten dhe vajzat, momente nga pushimet dhe me miqtë e tyre.

Sipas vëllait të 44-vjeçarit, i cili sapo u informua shkoi në banesën ku ndodhi vrasja, çifti nuk po debatonte, duke u shprehur: “Ishin njerëz të qetë”.
Duke folur për median greke, një mikeshë dhe kolege e ngushtë e 44-vjeçares, tha se nuk mund ta besojë atë që ndodhi, pasi ajo shkonte në punë çdo mëngjes me viktimën.
“Ajo më thoshte se kishte probleme me burrin e saj, por nuk më dha asnjë detaj. Ishte gjithmonë e buzëqeshur dhe përballonte gjithçka pa u ankuar, pavarësisht vështirësive që po kalonte”, tha mikesha e viktimës.
Në momentin e vrasjes, dy vajzat ndodheshin larg banesës, ndërsa i mituri ishte në shkollë.

NDIQE LIVE “PANORAMA TV”