“Lëshohen si bisha të tërbuara kundër opozitës”- Noka: Polici politike dhe kupolë e inkriminuar! Sokol Bizhga, Ilir Proda dhe Neritan Nallbati të emëruar nga krimi, do ta paguajnë

Sekretari i Përgjithshëm i PD, Flamur Noka akuzoi policinë si të përfshirë në krime, duke thënë se i ‘lëshohet opozitës si bisha të tërbuara’.

Noka foli me emër, duke thënë se Sokol Bizhga, Ilir Proda dhe Neritan Nallbati janë të emëruar nga krimi, ndërsa u shpreh se “këta do ta paguajnë”.
“Kjo polici nuk përfaqëson as ligji dhe as shtetin, prandaj i lëshohen si bisha të tërbuara opozitës, sepse janë mercenarë të krimit të organizuar. Nuk kanë lidhje me ligjin dhe shtetin. Janë polici politike, kupolë e inkriminuar kundër opozitës.  Ne jemi në mosbindje civile, policia nuk ka të drejtë as të japë leje dhe as të marrë leje. Policia vetëm njoftohet. Sokol Bizhga urdhëron dhunën ndaj opozitës dhe urdhërojnë vjedhjen e votës, por do ta paguajnë. Sokol Bizhga, Ilir Proda dhe Neritan Nallbati janë të emëruar nga krimi”, tha Flamur Noka.
Noka po ashtu paralajmëroi policinë se: “Ata që guxojnë ti shërbejnë politikisht bandës së pushtetit në kundërshtim me cdo ligj dhe normë duhet ti bëjnë mirë hesapet”.

NDIQE LIVE “PANORAMA TV”

© Panorama.al
Burimi