Fotot nga paparazzi/ Deputeti i Shkodrës nuk bie në sy për fjalimet në Parlament, por për veshjet me ngjyra

Panorama.com.al

14/07/2024

👁1075

Një transformim thuajse të çuditshëm mund ta quanim atë që ka pësuar muajt e fundit deputeti i Partisë Socialiste për qarkun e Shkodrës.

Agron Çela deri para pak muajsh ishte profili mëse normal i një deputeti, duke ruajtur pamjen prej zyrtari me kostume të errëta.
Por diçka ndodhi dhe stili i tij erdhi tërësisht ndryshe. Pas fiksimit me markat luksoze, tashmë ai ka gjetur një tjetër pasion. Për shumë javë me radhë e pamë sesi sillte të kombinuara veshjet e markës “Guçi”.

Ndryshe nga shumë kolegë të tij, Çela nuk ka pasur ‘frikë’ të fshehë logot e markave të shtrenjta, përkundrazi, i ka reklamuar ato.
Por tashmë, fiksimi i tij me “Guçi” ka kaluar dhe i ka lënë vend fiksimit të ri me ngjyrat e forta. Pasi e kemi parë me të verdha, këtë herë ai kishte zgjedhur një kostum me ngjyrë të kuqe. Rezultati? Natyrisht që fitoi vëmendjen tonë, por edhe vëmendjen e kolegëve të tij.

NDIQE LIVE “PANORAMA TV”