“Është flamuri më i bukur dhe duhet të ngrihet në Bruksel”- Rama vendos afate për integrimin në BE: Maksimumi duhet të ndodhë në 2030

Kryeministri Edi Rama thotë se synimi i tij është që Shqipëria të jetë pjesë e Bashkimit Evropian maksimumi në vitin 2030.

Rama u shpreh se flamuri ynë kombëtar është më i bukuri dhe duhet të ngrihet në Bruksel sa më parë.
Dekada tjetër – u shpreh kreu i qeverisë – do ta gjejë Shqipërinë në tavolinën e Këshillit Evropian
Rama: Ne duhet të shkëlqejmë në këtë proces, sic bëmë atë procesin e diagnostikimit, duhet të shkëlqejmë dhe duhet të jetë ide fikse, që ne duhet ta ngremë flamurin kombëtar në Bruksel, duhet të ngrihet edhe ky flamur se është më i bukuri. Kjo duhet të ndodhë maksimumi në vitin 2030. Dekada tjetër do ta gjejë Shqipërinë në tavolinën e Këshillit Evropian. Ky është misioni ynë, të gjitha të tjerat janë të rëndësishme, por të gjitha të tjerat nuk janë mjaft për atë që ne jemi zgjedhur dhe atë që i detyrohemi këtij kombi. Ata që nuk e kanë kuptuar akoma Pse-në e ngritjes së këtij komisioni sot të jenë të qartë se për cfarë bëhet fjalë. Nëse duan më shumë argumente le ta hapin lirin e madh se aty është faqe e dhimbje koke, për atë që duhet të bëjnë.

NDIQE LIVE “PANORAMA TV”

© Panorama.al
<a class=”source-link” href=”http://www.panorama.com.al/eshte-flamuri-me-i-bukur-dhe-duhet-te-ngrihet-ne-bruksel-rama-vendos-afate-per-integrimin-ne-be-maksimumi-duhet-te-ndodhe-ne-2030/”>Burimi</a>