DOKUMENTI/ Kuvendi i kërkon KQZ të zëvendësoje mandatin e Ervin Salianjit! Zbardhet shkresa për plotësimin e vakancës

Kuvendi i Shqipërisë i ka dërguar zyrtarisht KQZ-së kërkesën për zëvendësimin e Ervin Salianjit dhe dhënien e mandatit të tij ndaj pasuesit në listën shumë emërore të zgjedhjeve të kaluara.

Në letrën e firmosur nga Genc Gjoncaj sekretari i Përgjithshëm i Kuvendit, vihet në dijeni Komisioneri Shtetëror i Zgjedhjeve, Ilirjan Celibashi se për shkak të dënimit të Apelit, Ervin Salianji ka humbur mandatin e deputetit.
Si i tillë i kërkohet që KQZ të vijojë me plotësimin e vendit vakat që është krijuar.
“I nderuar Z. Komisioner Shtetëror i Zgjedhjeve,
Kuvendi i Shqipërisë, në bazë të shkronjës “dh” të pikës 2 të nenit 71 të Kushtetutës së Republikës së Shqipërisë dhe Rregullores së Kuvendit, Ju njofton mbarimin përpara afatit të mandatit të deputetit të PD-së Ervin Salianji, për shkak të dënimit të tij me vendim të formës së prerë për kryerjen e një vepre penale, njoftuar në seancën plenare të datës 30.9.2024.
Sa më sipër, në mbështetje të nenit 164, pika 1, të ligjit nr. 10019, datë 29.12.2008 “Kodi Zgjedhor i Republikës së Shqipërisë”, Kuvendi i Shqipërisë ka detyrimin ligjor për të njoftuar Komisionin Qendror të Zgjedhjeve për krijimin e vakancës”, thekson Kuvendi.

AKSIONINjë dite me pare, Ervin Salianji me ane te avokateve te tij depozitoi kërkesën në Gjykatën e Lartë për pezullimin e vendimit të Apelit dhe lirimin e tij nga burgu. (LEXO KETU)
Ndërkohë që burgosja e Salianjit ka shkaktuar një valë trazirash në Kuvend, ku opozita ka djegur karriget dhe ka bllokuar punimet normale të procesit ligjvënës.
Nga ana tjetër demokratët kanë paralajmëruar mos bindje civile dhe organizimin e protestës kombëtare me 7 tetor.
LEXO EDHE: Gjykata e Lartë regjistron kërkesën e Ervin Salianjit për pezullimin e dënimit me burg, pritet caktimi i datës së seancës nga relatori i çështjes

NDIQE LIVE “PANORAMA TV”

© Panorama.al
Burimi