Ylber Ramadani arrin akordin me Napolin, mesfushori i kombëtares shqiptare gati për hapin e madh në karrierë

Mesfushori i Kombëtares shqiptare, Ylber Ramadani, po përgatitet për të hedhur një hap të madh në karrierën e tij. “Panorama Sport”, mëson se ish-futbollisti i Partizanit, ka arritur akordin me Napolin e Antonio Kontes, për 3 milionë euro.
Bëhet me dije se palët kanë gjetur gjuhën e përbashkët për transferimin e shqiptarit nga Leçe te Napoli.
Mësohet se rol deçiziv në këtë lëvizje pas lënies në stol të Ramadanit te Leçe, ka luajtur agjenti i njohur shqiptar, Fali Ramadani, që duket se po dirigjon këtë transferim, ku kanë mbetur vetëm detajet e fundit të kontratës. 
Te Napoli, Ramadani do të gjejë ish-shokun e skuadrës te Partizani, Amir Rrahmani që është shndërruar në lider.ylber ramadani mesfushori shqiptar napoli
Burimi