Të shtëna me armë zjarri në Vaun e Dejës, qëllohet në drejtim të një “Audi” të blinduar

Plumba mbi “Audin” e blinduar në Shkodër, dy benza tip “S” largohen me shpejtësi.

Të shtëna me armë zjarri janë regjistruar mbrëmjen e sotme në Vaun e Dejës.
Mësohet se një automjet tip “Audi” është qëlluar me armë zjarri.
Ngjarja ka ndodhur në njësinë Bushat të bashkisë Vau Dejë. Policia ka gjetur të braktisur automjetin në fshatin Rranxa të Bushatit. 
Bëhet me dije se makina ”Audi” ka qenë e parkuar dhe nuk ka pasur asnjë person brenda momentin kur është qëlluar, ndërsa dy automjete Mercedes S të blinduar janë larguar me shpejtësi.
Ende nuk dihet se kush apo cilët janë autorët e ngjarjes, por ka të dhënë dhe indicie të forta se akti është kryer nga anëtarë të një grupimi kriminal në Shkodër.
Efektivët janë duke punuar për gjetjen e autorëve që qëlluan ndërsa janë ende të paqarta arsyet e kësaj ngjarje.
“Rreth orës 18:55, në fshatin Rrenxa, Bushat, dyshohet se është qëlluar me armë zjarri në drejtim të një automjeti të parkuar. Nuk ka persona të dëmtuar.
Me marrjen e njoftimit, shërbimet e Policisë kanë shkuar menjëherë në vendngjarje.
Grupi hetimor në drejtimin e Prokurorisë, po punon për zbardhjen e rrethanave, identifikimin e autorit dhe dokumentimin ligjor të rastit”, njoftoi policia.
Burimi