“Po hedh baltë mbi mua”, Vullnet Sinaj përplaset me Bardhin te ‘Mandatet’: Pse more para nga buxheti i shtetit?

Këshilli i Mandateve dhe Rregullores u mbledh ditën e sotme për të shqyrtuar kërkesën e opozitës, të cilët kërkojnë heqjen e mandatit të deputetit socialist Vullnet Sinaj, duke e akuzuar se përmes bizneseve të tij ka përfituar 36 mijë euro nga buxheti i shtetit.

Është zhvilluar me debate mbledhja e Këshillit të Mandateve ku u diskutua kërkesa e opozitës që kërkon papajtueshmërinë e mandatit të deputetit socialist Vullnet Sinaj.
Deputeti socialist iu kthye Gazment Bardhit me tone të ashpra duke i thënë se nuk ka bërë asgjë për t’i dhënë këtij vendi.
Nga ana tjetër, Bardhi e akuzoi se ka miratuar ligj në konflikt interesi për të ulur taksat dhe tatimet për biznesin e tij. 
Bardhi i konsideroi si përralla deklaratat e bëra nga Sinaj, duke shtuar se kur kompanitë e tij bëjnë akte pozitive, deputeti i di dhe merr meritat, ndërsa kur shkelet ligji, ai nuk di gjë.
Vullnet Sinaj: Më ke plasur cipën, skam fol 8 vjet, por kur do të hedhësh blatë mbi mua dhe bizneset, të më thuash ke shkel kushtetutën. Dua ta di ku e kam shkelur. Ka një problem tjetër me nesh, kush më akuzon mua dhe kë akuzoni ju. Nuk e di ca ke bërë ndonjë gjë në jetën tënde për t’i dhënë këtij vendi, ça ke bërë, ti e ke filluar punën si anëtar i bordit të hipotekës, ke vazhduar me ministër, unë kam punuar dhe i kam dhënë taksa këtij shteti, kam mbajtur familje, kam 2500 familje që punojnë në biznes, vitin e kaluar kam paguar 18 mln euro taksa, kurse ti vetëm i ke marrë këtij shteti, s’mund të jesh akuzuesi im në këtë komision në asnjë mënyrë, ti je përfituesi, ka rrezik se dietat e tua mund të jenë më të mëdha se ato që më akuzon mua.
Gazment Bardhi: Përrrallat që dëgjuam sot i dëgjuam edhe radhës së shkuar, janë për të rrëzuar mocionin. Me vetëdije vetë deputeti e ka ndaluar. Unë e di që juve do të vazhdoni të shkelni kushtetutën, sa kohë mbrojtët Xhaçkën do të mbroni edhe vullnet Sinën, ju keni vendosur ta merrni në mbrojtje, të hidhni në kosh vendimet e Gjykatës Kushtetuese bashkë me të edhe Kushtetutën, mungesë totale respekti ndaj Kushtetutës. Respekti do të duhet ta bëjë një deputet të përgjegjshëm, jo të vijë këtu të thotë ndihmova shtëpinë e tij. Kjo s’ka lidhje me shkeljen e Kushtetuës, duhet të japësh shpjegime pse more para nga buxheti i shtetit. Kujt i çove ndihmë 6 muaj para zgjedhjeve dhe një muaj para zgjedhjeve.
Të vijë këtu dhe të gënjejë, është i vetmi deputet i përmendur nga Transparency International që ka miratuar ligj në konflikt interesi për të ulur taksat dhe tatimet për biznesin e tij bashkë me oligarkë të tjerë. Zotëria është ai që blerjen e votës e shet si donacion, zotëria është ai që me votën e tij në Kuvend ka përfituar ulje tatimesh, ka qenë biznes në faliment dhe sa ka ardhur deputet ka shkuar me përfitime ku s’dihet se ku përfundojnë.
Gjatë debateve Sinaj i kujtoi Bardhit edhe deklaratën e tij se do tërhiqej nga politika nëse kryetar i PD bëhej Sali Berisha, ndërsa sot i është bashkuar në parti.
“Bardhi nuk e dorëzoi mandatin e vet kur premtoi se po të vihet Berisha kryetar do tërhiqej nga politika, ka filluar të merret me ne të tjerët. Mbaje fjalën zoti Bardhi”, tha Sinaj.bardhi sinaj mandate
Burimi