Mund të shkëmbehet me Elseid Hysajn, Lacio kërkon mesfushorin e kombëtares shqiptare

Lacio ka hedhur sytë nga një tjetër futbollist shqiptar për të përforcuar radhët për sezonin e ri. Medon Berisha është objektivi i dëshirave të klubit kryeqytetas, sipas asaj që raporton sot “La Gazzetta Dello Sport” në Itali.
Futbollisti ka luajtur pak ndeshje në këtë sezon në Serinë A, për shkak të dëmtimeve që ka pësuar që në fillim të edicionit, por sa herë ka qenë në fushën e lojës, ishte ndër më të spikaturit. Ndaj Lacio është interesuar për lojtarin e Leçes, duke kontaktuar këtë të fundit për transferimin e tij që në merkaton e janarit.
Ndërkohë, Leçe interesohet për Elseid Hysajn, i cili është jashtë planeve të Lacios. Për këtë arsye, hipotetizohet një shkëmbim lojtarësh, apo edhe thjesht huazimesh me vendimin për blerjen përfundimtare që do të bëhet në mbyllje të sezonit. Gjithçka do të jetë më e qartë në ditët në vijim, kur palët do të ulen të diskutojnë me hapjen zyrtare të merkatos.elseid hysaj medon berisha leçe lacio
Burimi