Mitiku “San Siro” ‘shkallon’ serbët, Milani shpalos banderolën në shqip para ndeshjes me Crvena Zvezdën (Foto)

Milani do të luajë në mbrëmjen e sonte kundër Crvena Zvezdës, ndeshjen e raundit të 6 të Champions League. Italianët kërkojnë fitoren për të siguruar më tej kalimin në turin me eliminim direkt.
Dje, serbët kanë bërë stërvitjen e fundit në kuadër të takimit të sotëm. Por qetësia nuk ka mbizotëruar në seancën stërvitore për shkak të një banderole. Një pankartë e madhe me shkrimin Kosova ishte vendosur brenda stadiumit me logon e Milanit.
Kjo gjë ka irrituar kampin e Crvenës. Lojtarët e ‘Yllit të Kuq’ nuk janë ndierë aspak komod në mitikun ‘San Siro’ dhe polemikat kanë plasur prej kësaj banderole edhe në rrjetet sociale.
Mediat serbe e kanë quajtur një provokim të madh këtë. Shqiptarët do të jenë në tribuna sot dhe do të përpiqen të bezdisin sa më shumë ekipin nga Beogradi, të cilët presin një mbrëmje jo të këndshme.
milan crvena zvezda champions league
Burimi