Lando Norris siguron “pole position”, McLaren surprizon në Hungari me dy pilotët

Lando Norris me McLaren siguroi sot pasdite “pole position” në pistën e Hungaroring, e vlefshme për çmimin e Madh të Hungarisë në Formula 1. Piloti britanik dha kohën 1’15”227, duke bërë një paraqitje fantastike në pistë.
Jo vetëm ai, por edhe shoku i tij i skuadrës Oscar Piastri dha një kohë të mirë, duke u renditur në vendin e dytë. Pra, vija e parë e nisjes në garën e së dielës do të jetë e makinës McLaren, që rikthehet protagoniste.
Në vendin e tretë u rendit piloti holandez Max Verstappen me Red Bull, jo shumë pas dy makinave McLaren. Ai do ta ndajë vijën e dytë të nisjes me spanjollin e Ferrarit, Carlos Sainz, që u klasifikua në vendin e katërt.
Në “top-10” më të mirët u renditën edhe Lewis Hamilton (i pesti me Mercedes), Charles Leclerc (i gjashti me Ferrari), Fernando Alonso e Lance Stroll me Aston Martin (vendet 7-8), Daniel Ricciardo e Yuki Tsunoda me RB (vendet 9-10).
Provat e sotme zyrtare u zhvilluan në një pistë kryesisht të thatë, por hera-herës kishte edhe rreshje të imta shiu. Protagonist në këto prova pati edhe dy aksidente, që sollën edhe valëvitjen e flamurit të kuq në dy raste.lando norris piloti britanik formula 1
Burimi