Kristian Shpendi “tërbon” klubet para merkatos së janarit, drejtori i Çezenës: Kam marrë telefonata për sulmuesin kuqezi

Kristian Shpendi po shkëlqen në Serinë B italiane me Çezenën. Sulmuesi i Shqipërisë U-21, vazhdon të dhurojë performanca të shkëlqyera, me të cilat ka marrë vëmendjen e klubeve “BIG” në Itali.
Është vetë drejtori sportiv i Çezenës, Fabio Artiko, i cili ka folur së fundmi për situatën e Shpendit, që momentalisht është i dëmtuar. Përtej kësaj, Artiko thotë se për talentin shqiptar ka marrë telefonata.
“Për mua është e pamundur që ai të jetë i gatshëm përpara ndërprerjes së kampionatit. Në po punojmë që ta kemi në 100%-shin e tij. Kristian i ka befasuar të gjithë, edhe ata që besonin në cilësitë e tij.
Deri më tani kam marrë vetëm telefonata që thonë: ‘E njohim atë (Shpendin), le të shohim, do të flasim’. Por nuk kam marrë asnjë ofertë. Çmimi i tij vendoset nga tregu dhe nga vazhdueshmëria e asaj që ai po bën”, është shprehur Artiko.
Në këtë sezon, 21vjeçari ka zhvilluar 19 ndeshje. Në këto sfida, Shpendi ka shënuar plot 12 gola.kristian shpendi sulmuesi shqiptar çezena
Burimi