I përfshirë në trafiqe, ekstradohet nga Abu Dhabi i shumëkërkuari Arjan Malko

Policia ka njoftuar se është ekstraduar ditën e sotme nga Abu Dhabi, i shumëkërkuari shqiptar me tre identitete.
Bëhet fjalë për Arjan Malko, alias Erjon Malko, alias Erjon Fejzulla. I ekstraduari ishte shpallur në kërkim nga ndërkombëtar nga Interpol Roma për trafikim të lëndëve narkotike.
“Finalizohet një tjetër operacion për sjelljen në Shqipëri të një shtetasi të kërkuar ndërkombëtarisht.
Sot më datën 21.08.2024, në kuadër të operacionit të koduar “Para drejtësisë”,  nga strukturat e specializuara dhe Forca e Posaçme Operacionale në Departamentin e Policisë Kriminale është realizuar operacioni policor për sjelljen nga Abu Dhabi në Shqipëri e shtetasit në kërkim ndërkombëtar; Arjan Malko, alias  Erjon Malko, alias Erjon Fejzulla.
Ky person është shpallur në kërkim ndërkombëtar nga Interpol Roma, pasi Gjykata e Hetimeve të Torinos, Itali ka lëshuar për këtë shtetas masën e sigurisë personale  urdhër “Arrest në burg” më dt.11.04.2024, për veprën penale “Trafikim i lëndëve narkotike”, kryer në bashkëpunim, parashikuar nga legjislacioni penal italian, i cili parashikon maksimumin e dënimit me 20 vjet”, njofton policia.
Burimi