FIFA publikon renditjen e fundit, kombëtarja shqiptare e mbyll vitin në vendin e 65

Kombëtarja e mbyll vitin në vendin e 65, duke mos patur ndryshime nga 1 muaj më parë, pavarësisht disa ndeshjeve të zhvilluara nga përfaqësuese të tjera jo të zonës Europiane.
Shqipëria e nisi vitin në vendin e 64 dhe gjatë 2024 pati oshilacione, duke zbritur e 67 në shtator. Renditjen më të mirë historike Kuqezinjtë e patën në gusht të vitit 2015 ku ishin të 22 në botë, kjo falë fushatës kualifikuese të “EURO 2016”.

Kosova renditet e 99 ashtu si 1 muaj më parë. Ky është pozicionimi më i mirë historik i “Dardanëve”. Në renditjen e publikuar këtë të enjte nga FIFA në krye mbetet Argjentina e ndjekur nga Franca e Spanja.

Kombëtarja do të kthehet në fushë në mars për kualifikueset e Botërorit 2026. Kuqezinjtë janë në grup me Anglinë, Serbinë, Letoninë dhe Andorrën.
kombëtarja shqiptare renditja e fifa-s
Burimi