‘Do përgjigjesh si puçist’, Berisha i jep mesazhin e parë Ramës pas lirisë

27/11/2024

👁589

Sali Berisha

Kreu i PD ka mbërritur sot në selinë blu pas 330 ditëve pasi Gjykata e Posaçme urdhëroi izolimin e tij në “Arrest në shtëpi”.
Berisha akuzoi drejtpërdrejt kryeministrin Edi Rama dhe filantropin George Soros se kanë tentuar asgjësimin e opozitës shqiptare dhe Partisë Demokratike si partia më e madhe politike në opozitë.
“Sot, është dita kur monstrat e demokracisë, Edi Rama dhe George Soros dështuan përfundimisht në tentativën e tyre për të shkatërruar opozitën shqiptare, në grushtin e shtetit që i bënë asaj. Sakrifica e 330 ditëve dhe mundi i 3 viteve u shpërblye”, u shpreh ai.
Lideri demokrat në fund të fjalës së tij i drejtoi dhe një mesazh direkt Edi Ramës, duke i kërkuar qeveri teknike. Sali Berisha e kërcënoi atë se nëse nuk krijon qeverinë teknike, mosbindja civile e demokratëve do të vazhdojë.
“Edi Rama, krijo qeverinë teknike dhe mos e zvarrit kot narkopushtetin tënd. Se vet Zoti e ka thënë që të kthehem unë, pastroni shtëpitë. Ne do pastrojmë shtëpinë tonë me besimin e Zotit. Krijo qeveri teknike se mosbindja civile është gati në radhë”, u shpreh ai.
Berisha u shpreh se tashmë është shtruar rruga për të sjellë PD-në në pushtet, ndërsa nuk mungoi as ironia për Yuri Kim.
“Ne i fituam betejat dhe kjo vetëm fal jush dhe miqve tanë. Sa fitore arritëm këtë vit. E kemi shtruar rrugën që do të sjellë PD-në në pushtet dhe opozitën shqiptare. Na përçanë e u bashkuam. Të gjithë deputetët sot janë bashkë, janë në këmbë. Na hodhën barin, ua kthyem në grazhd. Na vodhën flamurin, por ne e rifituam atë. Na izoluan, por ne sot kemin përkrahjen më të madhe që kemi pasur ndonjëherë. U përpoqën të blejnë heshtjen e Berishës, por këtu u bënë qesharak me veten e tyre, por a mund të blihet heshtja e Sali Berishës?! Nga sot dritën e rrugës së Sali Berishës do ta përhapim. Kjo fitore nuk ka rëndësi vetëm për ne, vetëm për të tashmen, por edhe për të ardhmen, kjo arritje do t’iu shërbejë brezave si një burim inspirimi”, tha Berisha.

berisha rama

whatsapp image 2024 11 27 at 140833 752×440

900 0 1732713036xwhatsapp image 2024 11 27 at 140834 240
Burimi