Barcelona trondit Milanin, kërkon të marrë Rafael Leaon

Tronditet Milani. Lojtari më i mirë i kuq e zinjve mund të kalojë te Barcelona. Bëhet fjalë për Rafael Leaon.
Lajmin e ka bërë të ditur “Mundo Deportivo” që raporton se katalanasit po bëjnë gati një ofertë prej 90-100 milionë euro për të bindur klubin kuqezi.
Pasi nuk arriti dot të sigurojë dot shërbimet e Nico Williams, duket se klubi blaugrana po gjen zgjidhje te portugezi i Milanit, që vitet e fundit ka treguar se është një nga liderët e skuadrës. Gjithsesi gjërat nuk do të jenë të lehta për Barcelonën, pasi Milani do të kërkojë si fillim të gjejë një zëvendësues për 25-vjeçarin përpara se ta shesë.
Laporta kërkon të bindë “Djallin” duke ofruar dy lojtarë plus shumën e mbetur, teksa nga ana e sulmuesit shihet një dëshëri për t’u transferuar në Spanjë, sipas asaj që raporton “Mundo Deportivo”.
Në rast se nuk arrihet te Leao, atëherë Barcelona do të tentojë Kingsley Coman të Bayernit, ose Federico Chisan të Juventusit.
Burimi