Aksident i frikshëm, skiatori francez pëson hematomë në tru gjatë provave

Momente frike të madhe në Bormio, për skiatorin alpin francez Siprian Sarrazin, që iu desh të përballej me rënien e tmerrshme, duke vënë në rrezik jetën e tij.
30-vjeçari rrëshqiti gjatë provave të garës së zbritjes, të planifikuara mëngjesin e së shtunës, 28 dhjetor, duke pësuar një hematomë subdurale në tru.
Pasi nënshkroi kohën më të mirë në stërvitjen e një dite më parë, skiatori nga “Notre Dame des Millieres”, po përsëriste veten, megjithatë në dalje të Salto di San Pietro humbi kontrollin e skive, duke u përplasur rëndë në dëborë.
Airbag-u, i detyrueshëm nga FIS, pas vdekjes së Matild Lorenc, u hap menjëherë, por edhe Sarrazin goditi kokën, duke humbur ndjenjat dhe duke përfunduar në rrjetat e sigurisë. Francezi është përmendur pak më pas, por ka qenë e nevojshme ndërhyrja e ambulancës, e cila e ka transportuar në spitalin Sondalo për hetimet e nevojshme.
Pas një sërë analizash është shfaqur hematoma, e cila ka shtyrë mjekët ta shtrojnë atë në repartin e terapisë intensive neurologjike, ku siç njoftojnë nga Federata Franceze do të operohet në mbrëmje për të hequr hematomën.
Debati shpërtheu menjëherë në lidhje me përgatitjen e pistës, e cila u duk të ishte veçanërisht e vështirë për shkak të pranisë së akullit përgjatë rrugës. Skiatori francez, Nils Alegre akuzoi organizatorët dhe në fund të testit ngriti alarmin në mikrofonat e “Eurosport France”:
“Mendimi im është i qartë pas asaj që ndodhi: Ata nuk dinë të përgatisin një pistë këtu. Kanë 40 vjet që përgatisin shpatet, por nuk dinë të bëjnë asgjë tjetër përveç gjërave të rrezikshme dhe nuk kanë aspak respekt për skiatorët”, – shpjegoi bashkatdhetari i Sarrazin.
Përveç Sarrazin, Italisë i është dashur të përballet edhe me aksidente në pistë për shkak të dëmtimit të rëndë që ka pësuar Pietro Zazi. Atleti vendas goditi trupin e tij në një derë pranë “Pian dell’Orso” dhe përfundoi befas në tokë.
Gjithashtu i transportuar në spitalin e Valtelinës, Zazi pësoi frakturë të zhvendosur në këmbën e djathtë, duke i dhënë fund sezonit dhe falë operacionit të planifikuar për mëngjesin e së shtunës, 28 dhjetor në Milano.

????️ “Ils ne méritent pas d’avoir les Jeux Olympiques” Le coup de gueule de Nils Allègre sur l’état de la piste à Bormio, en marge du deuxième entraînement de descente qui a notamment vu Cyprien Sarrazin chuter violemment #ChaletClub pic.twitter.com/i2xibpyJll
— Eurosport France (@Eurosport_FR) December 27, 2024

siprian sarrazin skiatori francez
Burimi