“Akoma herët të flas për titullin”, Amir Rrahmani pas fitores së Napolit: Meritat i takojnë Antonio Kontes

Napoli fitoi sot me rezultatin 0-3 përballë Fiorentinës. Tri pikë që e ngjisin skuadrën e Kontes në krye të Serisë A.
Pas ndeshjes foli për “Dazn”, Amir Rrahmani. Mbrojtësi i përfaqësueses së Kosovës i dha meritat kryesore Kontes, ndërsa u tregua i kujdesshëm ndërsa foli për titullin kampion.
“Kemi luajtur një ndeshje të madhe nga fillimi. Krijuam, por pasimi final mungonte dhe më pas golat erdhën. Meritat i shkojnë trajnerit tonë.
Ne lëvizim më shumë në alternativa të ndryshme dhe kushdo nga ne mund të jetë i rrezikshëm përpara.
Është shumë herët për të folur për titullin, jemi akoma në gjysmën e kampionatit. Duhet të shikojmë në ndeshjen e radhës, ka shumë të vështira përpara nesh”, u shpreh Rrahmani.amir rrahmani mbrojtësi kosovar napoli
Burimi