A ka më të paprekshëm në Shqipëri? Fatmir Xhafaj mesazh kolegëve

I ashtuquajturi arkitekti i Reformës në Drejtësi mendon se sot në politikën shqiptare nuk ka më të paprekshëm. “Në këndvështrimin tim jo!”, tha Fatmir Xhafaj në A2 CNN.
Sipas tij, nuk mund të ndodhë mrekullia sa hap e mbyll sytë.  “Prandaj edhe kemi ngritur këtë strukturë, që quhet Prokuroria e Posaçme, Gjykata e Posaçme, BKH-ja, në funksion të luftës kundër korrupsionit në nivele të larta, për t’i dhënë fund paprekshmërisë. Dhe kjo është duke ndodhur. Ju doni që të ndodhë mrekullia në një muaj, në një vit, në dy vjet, në tre vjet… Një gjë që është shtresëzuar në 30 e ca vite…”, tha ai.
Një pjesë e mirë e ish-zyrtarëve të qeverisë socialiste janë sot nën hetim ose pas hekurave për korrupsion dhe për Xhafajn, kjo është bërë e mundur vetëm falë vullnetit politik të PS. “Ishte vullneti politik që e mundësoi këtë zgjidhje. Pra politika e kishte vullnetin, kjo mazhorancë e kishte vullnetin për ta bërë këtë luftë”, tha ai.
Burimi