Nxënësit e gjimnazit “Partizani” i bashkohen protestës, bojkotojnë mësimin dhe bllokojnë rrugën

Një ditë pas protestës së studentëve që u shoqërua me dhunë policore, nxënësit e gjimnazit “Partizani“ kanë bojkotuar mësimin. Ata kanë bllokuar edhe qarkullimin e mjeteve në rrugën “Tafaj”. Në protestën e djeshme që zgjati mbi 8 orë, studentët u përplasën me policinë, e cila nuk u kursye, duke dhunuar mizorisht disa prej tyre, ndërsa një të riu iu thye këmba nga dhuna. Ndërkohë, sot në shenjë proteste gjimnazistë kanë refuzuar që të futen në mësim, ndërsa kanë qëndruar në oborrin e shkollës. Sot është njoftuar në orën 14:00 një tjetër protestë nga studentët.