Një çift kurorëzohet në Kishën e Thethit, Rama poston videon: Kurora e artë e Shqipërisë

Pas aksionit për prishjen e ndërtimeve pa leje në Theth, vijoi me përparësi pastrimi i territorit nga inertet, në këtë zonë u pa edhe një dasëm. Kryeministri Edi Rama ka postuar një video nga zona, aty ku një çift është kurorëzuar në kishën. ”Kurora e artë e Shqipërisë”, shkruan Rama. Kisha e Thethit është një kishë katolike në Theth të rrethit të Shkodrës, e ndërtuar në vitin 1892. Kisha ka qenë një nga ndërtimet e para në këtë vendbanim, ku banonte edhe famullitari i kishës.