Mungesa e mjeteve financiare shtyn pagesat për nënat lehona në Gjilan

Komuna e Gjilanit kishte marrë vendim gjatë vitit 2024 për të mbështetur financiarisht nënat lehona përmes një skeme subvencionimi për çdo lindje. Megjithatë, vonesa në miratimin e buxhetit komunal ka ndikuar në ekzekutimin e pagesave, duke bërë që këto mjete ende të mos shpërndahen. Këtë e ka konfirmuar drejtori i Drejtorisë së Shëndetësisë, Hekuran Rapuca, i cili sqaroi se pagesat janë shtyrë për shkak të mosmiratimit me kohë të buxhetit për vitin 2024. “Përderisa nuk kemi mjete financiare për të paguar subvencionet për nënat lehona që kanë aplikuar në vitin 2024, këto detyrime konsiderohen borxhe dhe do të barten në...