Ministrja Denaj dhe ambasadori spanjoll diskutojnë forcimin e bashkëpunimit në sektorin e bujqësisë

Ministrja e Bujqësisë dhe Zhvillimit Rural, Anila Denaj zhvilloi një takim zyrtar me ambasadorin e Mbretërisë së Spanjës në Shqipëri, Gabriel Cremades Ventura. Palët theksuan rëndësinë e forcimit të bashkëpunimit dypalësh në fushën e bujqësisë, si një sektor me potencial të lartë zhvillimi dhe ndikim të drejtpërdrejtë në rritjen ekonomike dhe punësimin në zonat rurale. Ministrja Denaj deklaroi se diskutimet u përqendruan në identifikimin e mundësive konkrete për zgjerimin e partneritetit përmes trajnimeve dhe projekteve të përbashkëta, të mbështetura nga Bashkimi Europian. “Diskutuam mbi mundësitë konkrete për thellimin e partneritetit përmes trajnimeve dhe projekteve të mbështetura nga Bashkimi Europian, me...