“Më vrau miku im”, si u arrestua rastësisht autori i ekzekutimit të 41-vjeçarit shqiptar në Greqi

Mediat greke kanë publikuar detaje të tjera në lidhje me vrasjen e një 41-vjeçari shqiptar në Greqi, autor i të cilës është po ashtu një bashkëkombas i tij. Sipas policisë, viktima dhe autori kishin lënë një takim të martën mbrëma në plazhin e Artemida-s. Të dy kanë udhëtuar me makinën e autorit 46-vjeçar dhe në një kryqëzim kanë ndaluar për disa minuta. Pas një debati, policia greke dyshon se 46-vjeçari shqiptar e qëlloi viktimën me armë në fytyrë. Ai nuk ndërroi jetë menjëherë, por u largua me vrap dhe telefonoi të shoqen ku i tha se ishte qëlluar me armë...