Masakër në Llogara! Qëllohen me çifte 22 kuaj, ngordhin 4, shkak dyshohet konkurrenca mes pronarëve

Kali i plagosur LLOGARA- Një incident i rëndë raportohet të ketë ndodhur në Llogara, ku 22 kuaj janë qëlluar me çifte. Si pasojë e të shtënave 4 kuaj kanë ngordhur dhe 3 janë plagosur. Policia ka nisur hetimet në lidhje me zbardhjen e ngjarjes. Paraprakisht dyshohet se ngjarja ka ndodhur për shkak të konkurrencës ose ndonjë konflikt mes pronarëve që bëjnë guida me kuaj. Pjesa më e madhe e tufës së kafshëve qëndrojnë të lira në Llogara për t’i parë edhe turistët që vizitojnë këtë zonë. Sipas banorëve, ky nuk është rasti i parë që kafshët në këtë zonë goditen me armë./ZËRI