“Lufta” me flakët në vend! 22 vatra zjarri në 24 orë, flakët ende aktive në Hoshtimë dhe Bulqizë

FOTO ILUSTRUESE TIRANË-Një ditë më parë si pasojë e temperaturave të larta, u raportuam 22 vatra zjarri, nga të cilat 20 janë shuar dhe 2 vijojnë të mbeten aktive. Në fshatin Hoshtimë të bashkisë Vlorë zjarri mbetet aktiv, ku Policia ka evakuuar banorët e fshatit.  Ndërhyrja nga toka ishte pothuajse e pamundur për shkak të terrenit të vështirë malor, çka ka detyruar autoritetet të nisin ndërhyrjen nga ajri me helikopterë të Forcave të Armatosura, për të frenuar avancimin e zjarrit. Ndërkohë edhe në pyllin e Ballenjës në Bulqizë, flakët janë aktive. Janë shuar vatrat në: - Fshatin Zvërnec, njësia administrative Qendër,...