“Loja” e tregtarëve me fermerët/ Ankesa në Fier, pikat e grumbullimit “zhduken” papritur. Specat mund të shkojnë nën kosto

Luan dhe Klementina Jajaj, janë një cift bashkëshortët nga fshati Zharrez në Fier, që prej 8 vitesh merren me kultivimin e perimeve në sera. Tre vitet e fundit janë fokusuar në kultivimin e një varieteti speci për eksport, i njohur si 002. Ata zotërojnë katër dynymë sera dhe në një sezon arrijnë të prodhojnë mbi 50 ton spec, të gjitha të destinuara për tregun europian. Por këtë vit fermerët tregojnë se sfida më e madhe që kanë është  mungesa e tregut. Pikat e grumbullimit nuk  janë afruar për të blerë prodhimin dhe deri tani nuk u është ofruar asnjë çmim...