“Lindi si nevojë jetike për të mbrojtur identitetin tonë”, Begaj e Kurti në 147 vjetorin e Lidhjes së Prizrenit, Presidenti: S’duhet kujtuar vetëm me fjalë

Presidenti i Republikës, Bajram Begaj, zhvilloi sot një vizitë zyrtare në Prizren ku mori pjesë në kremtimin e 147-vjetorit të Lidhjes Shqiptare të Prizrenit, duke theksuar rëndësinë historike dhe frymën e bashkimit kombëtar që kjo ngjarje përfaqëson. Në fillim të vizitës, Presidenti Begaj u prit nga Kryetari i Komunës së Prizrenit, Shaqir Totaj. Pjesë e këtij aktiviteti ishte edhe kryeministri në detyrë i Kosovës, Albin Kurti. Më pas, së bashku me përfaqësues të komunës dhe qytetarë të Prizrenit, presidenti përshkoi në këmbë rrugën nga Shtëpia e Bardhë deri në Kompleksin e Lidhjes Shqiptare të Prizrenit, ku vendosi një kurorë në...