Luvri rihap Galerinë e Apollonit pas grabitjes milionëshe, por pa xhevahiret e kurorës

Muzeu i Luvrit në Paris ka rihapur për vizitorët Galerinë e Apollonit (Galerie d’Apollon), nëntë muaj pas grabitjes së bujshme gjatë së cilës u vodhën bizhuteri me vlerë miliona dollarë. Megjithatë, galeria, e njohur dikur për ekspozimin e Xhevahireve të Kurorës së Francës, është rihapur pa koleksionin e saj të famshëm. “Kjo është një hapësirë ikonike brenda Luvrit, por nuk do të strehojë më Xhevahiret e Kurorës dhe gurët e çmuar, të cilët do të ekspozohen në zona më të sigurta të muzeut“, deklaroi drejtori i Luvrit, Christophe Leribault, përcjell KultPlus. Leribault mori drejtimin e muzeut pas largimit të ish-drejtoreshës Laurence des Cars, e cila dha dorëheqjen pas grabitjes që nxori në pah një sërë mangësish në sistemin e sigurisë së muzeut. Ministrja franceze e...