IKSHPK apelon për kujdes, paralajmërohen stuhi lokale me bubullima dhe rrezik nga rrufetë

Instituti Kombëtar i Shëndetësisë Publike të Kosovës (IKSHPK) u ka bërë thirrje qytetarëve të tregojnë kujdes, pas paralajmërimit të Institutit Hidrometeorologjik të Kosovës (IHMK) për përkeqësim të motit gjatë ditës së sotme. Sipas IHMK-së, për datën 22 korrik 2026 parashikohen stuhi lokale të shoqëruara me bubullima, ndërsa ekziston rrezik i lartë nga goditjet e rrufesë në disa zona të vendit. Në këtë situatë, IKSHPK rekomandon që qytetarët të zbatojnë masat mbrojtëse dhe të shmangin qëndrimin në ambiente të hapura gjatë stuhive, me qëllim të ruajtjes së sigurisë dhe parandalimit të incidenteve të mundshme. Autoritetet u bëjnë thirrje qytetarëve të ndjekin njoftimet zyrtare dhe të respektojnë udhëzimet e institucioneve përgjegjëse deri në përmirësimin e kushteve atmosferike./KultPlus.com