Edgar Degas, artisti që i dha jetë baletit në pikturë

Më 19 korrik përkujtohet lindja e piktorit të njohur francez Edgar Degas, një nga figurat më të rëndësishme të artit të shekullit XIX dhe një nga themeluesit e impresionizmit. Degas lindi në Paris në vitin 1834 dhe u bë i famshëm për pikturat me vaj, vizatimet me pastel dhe skulpturat prej dylli. Ai njihet veçanërisht për veprat që paraqesin balerina, të cilat përbëjnë më shumë se gjysmën e krijimtarisë së tij artistike. Megjithëse konsiderohet pjesë e lëvizjes impresioniste, Degas preferonte ta quante veten realist dhe ndryshonte nga shumë impresionistë të tjerë, pasi zakonisht punonte në studio dhe jo në natyrë. Përveç balerinave, ai pikturoi edhe kuaj garash, kalorës, gra në përditshmëri dhe portrete, të cilat vlerësohen për thellësinë psikologjike dhe mënyrën e veçantë të paraqitjes...