Kosova në ngërç të thellë politik, Kuvendi dështon për të 20-ën herë radhazi të konstituohet

Kriza politike në Kosovë po thellohet, pasi deputetët e Kuvendit dështuan për të njëzetën herë të premten në përpjekjet për të konstituuar përbërjen e re parlamentare, të dalë nga zgjedhjet e shkurtit. As vizita e parë zyrtare në Prishtinë e kryediplomates së BE-së, Kaja Kallas, e cila u bëri thirrje partive të bashkëpunojnë për zgjidhjen e situatës, nuk solli ndryshim në qëndrimet e palëve. Dështimi vjen një ditë pasi organizata të shoqërisë civile bënë thirrje për marrëveshje mes partive, duke e cilësuar krizën institucionale si të papranueshme dhe të rrezikshme për funksionimin demokratik të shtetit. Një nga pikat kyçe të...