Spahiu: Dekorata amerikane për Dumanin, përgjigje për ata që shohin ëndrra me Trump-in
Juristi Kreshnik Spahiu, thotë se dekorata amerikane për Dumanin, ishte përgjigje për ata që shohin ëndrra me Trump-in. Për të gjithçka ishte një mesazh për ata që i kanë shpallur luftë SPAK dhe kreut të saj Altin Dumani. Me tej Spahiu thotë se mesazhi i amerikanëve ishte i qartë, që do vazhdojnë t’i japin më shumë oksigjen SPAK-ut.
”Me gjithë meritat që ka Altin Dumani, shpallja e tij kampion nuk është bërë se DASH ka festivalin e kampionëve të boksit në antikorrupsion, por është për t’i dhënë një mesazh politik atyre që i kanë shpallur luftë Dumanit dhe SPAK.
Për t’iu dhënë mesazh se qëndrimi i amerikanëve do vijojë te jetë i njëjtë dhe përkundrazi do t’i japin më shumë oksigjen për të vazhduar politikën e arresteve dhe sekuestrove që ka bërë SPAK dhe Dumani këto kohë. Në tërësinë e vet, faktori ndërkombëtar është determinant në lëvizjet në drejtësi dhe politikë”, tha Spahiu në Report Tv.
Burimi
