Kërkoi lirinë, Apeli i GJKKO-së tërhiqet për të marrë vendim për Ilir Metën

Apeli i GJKKO-së shqyrton sot ankimimin e Ilir Metës, i cili kërkon zëvendësimin e masës së sigurisë “arrest me burg” të caktuar ndaj tij. Pas zhvillimit të seancës gjyqësore, e cila nisi në orën 10:00, togat e zeza u tërhoqën për të marrë vendim. Kreu i PL-së, më 7 Korrik, ankimoi vendimin e GJKKO-së që e la në qeli. Ilir Meta ndodhet në paraburgim që prej datës 21 tetor 2024, ndërsa mbrojtja e tij argumenton se janë shkelur afatet procedurale. Sipas tyre, SPAK nuk ka paraqitur njoftimet periodike dy mujore, të parashikuara nga ligji për vazhdimin e masës së sigurisë....