Katari jep njoftimin: Ka përparim në bisedimet për armëpushimin në Gaza

Kryeministri i Katarit, Sheikh Mohammed bin Abdulrahman Al Thani, ka thënë të dielën se përpjekjet për të arritur një armëpushim të ri në Gaza kanë shënuar përparim. “Ne kemi parë të enjten pak përparim në krahasim me takimet e tjera, por duhet të gjejmë një përgjigje për pyetjen përfundimtare: si t’i japim fund kësaj lufte. Kjo është pika kyçe e të gjitha negociatave”, ka thënë Al Thani, i cili gjithashtu shërben si ministër i Jashtëm. Drejtori i inteligjencës izraelite “Mossad”, David Barnea, ka udhëtuar për në Doha të enjten për t’u takuar me Sheik Mohammedin mes përpjekjeve për të arritur një...