Hyri në fushë dhe dhunoi arbitrat! Nis hetimi ndaj presidentit të Apolonisë, Koço Kokëdhima

Koço Kokëdhima TIRANË-Presidenti i klubit të Apolonisë, Koço Kokëdhima është vënë nën hetim për incidentin e djeshëm kur hyri në fushë gjatë ndeshjes dhe shtyu arbitrin. Ndaj tij, rëndon vepra penale “veprime të dhunshme në aktivitete sportive”. Incidenti ndodhi gjatë ndeshjes së futbollit FK Apolonia-FK Gramshi. Ish-deputeti i Partisë Socialiste, i cili aktualisht është presidenti i klubit "Apolonia" u fut në fushë gjatë ndeshjes dhe tentoi të godasë arbitrin kryesor të ndeshjes Dorian Maletaj. Kjo për shkak se dha 3 kartona të kuq për lojtaret e ekipit të Apolonisë, të cilat pavarësisht mungesave, arritën që të triumfonin me rezultatin 1-0./ZËRI