Grabitet banesa e mjekut pediatër Dritan Alushani, vidhen sende me vlerë, USB dhe dokumente

Foto ilustruese TIRANË- Një grabitje ka ndodhur në një banesë në Tiranë. ZËRI ka mësuar se "pre" e grabitësve ka përfunduar banesa e një mjeku pediatër, Dritan Alushanit. Autorët janë futur në banesë, e cila ndodhet pranë një qendre tregtare në zonën e “Zogut të Zi” në kryeqytet, duke marrë sendet me vlerë që kanë gjetur. Përveç sendeve me vlerë kanë marrë edhe dokumente, por edhe USB dhe hardisk me të dhëna. Edhe pse nuk ka asnjë njoftim zyrtar lidhur me grabitjen, mësohet se autorët ishin 4. Aktualisht, 2 prej tyre janë vendosur në pranga nga efektivët e Komisariatit nr.2./ZËRI