‘Gjuha e urrejtjes s’ka vend…’/ Ambasadori shqiptar në Shkup: Thirrjet fyese në Kumanovë, alarm për të gjithë

Ambasadori i Shqipërisë në Maqedoninë e Veriut, Denion Meidani, ka reaguar për skandalin në Kumanovë, ku ndeshja e basketbollit u dominua nga kore raciste. “Gjuha e urrejtjes nuk ka vend në sport, as në shoqëri. Thirrjet fyese në Kumanovë janë alarm për të gjithë ne. Bashkëjetesa kërkon angazhim të përditshëm, respekt për rregullat e lojës dhe për njëri-tjetrin — jo vetëm në tribuna, por kudo. Po ndjek me vëmendje reagimet institucionale dhe pres që autoritetet më të larta të Maqedonisë së Veriut të flasin qartë, fort dhe me përgjegjësi”, thotë ai.