Vodhi 15 mijë euro në një banesë, arrestohet 38 vjeçari në Tiranë

Një 38-vjeçar ka rënë në prangat e policisë së Tiranës pasi dyshohet se është autori i vjedhjes së një shume prej 15 mijë euro në një banesë në kryeqytet.
Ngjarja ka ndodhur në Komunën e Parisit më datë 25 gusht.
Në cilësinë e provës materiale u sekuestrua shuma e parave që dyshohet se është vjedhur, një automjet, dhe veshje të cilat autori i dyshuar i ka përdorur gjatë kryerjes së vjedhjes.
Njoftimi i policisë
Finalizohet operacioni policor i koduar “Key” për goditjen e veprimtarisë kriminale në fushën e vjedhjes së pronës.
Vodhi 15 000 euro në një banesë, arrestohet 38-vjeçari.
Sekuestrohen shuma parash të dyshuara të vjedhura, që u gjetën në banesën e autorit të dyshuar, një automjet si dhe veshjet që autori ka përdorur gjatë ngjarjes.
Specialistët për Hetimin e Krimeve të Komisariatit të Policisë Nr. 2 në vijim të punës për goditjen e veprimtarive kriminale në fushën e vjedhjes së pronës dhe për vënien përpara përgjegjësisë penale, të shtetasve që i kryejnë ato, kanë organizuar dhe finalizuar operacionin policor të koduar “Key”.
Si rezultat i tij u arrestua shtetasi Olsi Bibollari, 38 vjeç, banues në Tiranë, për veprën penale “Vjedhja”, parashikuar nga neni 134 i Kodit Penal.
Ky shtetas dyshohet se më datë 25.08.2024, ka vjedhur shumën 15 000 euro në një banesë në Komunën e Parisit.
Në cilësinë e provës materiale u sekuestruan shuma parash të dyshuara të vjedhura, një automjet, dhe veshje të cilat autori i dyshuar i ka përdorur gjatë kryerjes së vjedhjes.
Materialet i kaluan Prokurorisë.dhi 15 mijë euro në një banesë, arrestohet 38 vjeçari në Tiranë.
Burimi