Ulen temperaturat, reshjet pakësohen gjatë pasdites/ Si pritet të jetë moti ditën e sotme

Shqipëria do të mbetet edhe ditën e sotme nën ndikimin e masave ajore me origjinë verilindore duke sjellë në vendin tonë; reshje shiu në bregdet dhe zonat e ulëta si edhe reshje dëbore në zonat malore përgjatë kufirit Lindor.
Sipas Meteoalb, parashikohet që orët e pasdites dhe në vijim të sjellin largim gradual të reshjeve nga i gjithë territori shqiptar por temperaturat do të jenë tipike dimri.
Temperaturat e ajrit do të ulen sërish në mëngjes por rriten në orët e mesditës duke luhatur vlerat ditore nga -1°C vlera më e ulët e shënuar në qytetin e Peshkopisë deri në 15°C vlera më e lartë e cila pritet në Vlorë dhe Sarandë.
Era do të fryjë mesatarisht me shpejtësi mbi 45 km/h nga drejtimi kryesisht Verilindor duke krijuar në brigjet detare Valëzim 3 ballë.
Burimi