Trump me dorë të hekurt shpallet “non grata” ish-ministri i majtë

Administrata Trump vendosi sanksione ndaj ish-presidentes argjentinase, Cristina Fernandez de Kirchner dhe ish-ministrit të saj të Planifikimit, Julio de Vido, në kuadër të akuzave për korrupsion në vendin e tyre, tha sekretari amerikan i Shtetit, Marco Rubio.
“Sot, unë njoftoj sanksionin sipas ligjit 7031(c) për ish-presidenten e Argjentinës, Cristina Elisabet Fernandez de Kirchner (CFK) dhe ish-ministrin argjentinas të Planifikimit dhe Investimeve Publike, Julio Miguel De Vido, për përfshirjen e tyre në korrupsion të madh gjatë kohës së tyre në poste publike”, tha sot sekretari amerikan i Shtetit, Marco Rubio në një postim në platformën X.
“Shtetet e Bashkuara të Amerikës janë të përkushtuara për të siguruar që të ketë përgjegjësi për zyrtarët e korruptuar në mbarë botën”, tha ai.
Sipas këtij vendimi, CFK dhe De Vido dhe anëtarët e afërt të familjes së tyre janë të papërshtatshëm për te hyre në Shtetet e Bashkuara të Amerikës.
“CFK dhe De Vido abuzuan me pozitat e tyre duke orkestruar dhe përfituar financiarisht nga skemat e shumta të ryshfetit që përfshinin kontratat e punëve publike, duke rezultuar në vjedhjen e miliona dollarëve nga qeveria argjentinase”, tha Rubio.
“Gjykata të shumta kanë dënuar CFK dhe De Vido për korrupsion, duke minuar besimin e popullit argjentinas dhe investitorëve në të ardhmen e Argjentinës”, theksoi ai.
“SHBA-ja do të vazhdojë të vërë përpara përgjegjësisë të gjithë ata që abuzojnë me pushtetin publik për përfitime personale”, shtoi ai.
“Ky vendim rikonfirmon angazhimin tonë për të luftuar korrupsionin global, duke përfshirë në nivelet më të larta të qeverisë”, tha Rubio.
 
Burimi