Studimi: Një në pesë persona është në prag të diabetit

Duke zhvilluar një mënyrë të re për të zbuluar shenjat e hershme të diabetit të tipit 2, shkencëtarët u befasuan kur zbuluan se një e pesta e njerëzve të shëndetshëm, sipas standardeve konvencionale mjekësore, në fakt kanë metabolizmin e dikujt me prediabet, një prag para shfaqjes së diabetit.
Më konkretisht, ekipi e përqendroi vëmendjen e tyre në një pararendës të diabetit të quajtur homeostaza e dëmtuar e glukozës (IGH). Për analizën e tyre, ata aplikuan metodën e tyre të re të patentuar matematikore në të dhënat nga matësat e vazhdueshëm të glukozës (CGM) për të studiuar modelet e glukozës.
“Njerëzit diabetikë kanë nivele të glukozës në gjak që mund të rriten dhe bien ndjeshëm, si një slitë me rul”, thotë Jaycee Kaufman, autori kryesor i studimit.
“Ne gjetëm një model të ngjashëm te pacientët me prediabet, megjithëse këto modele ishin më shumë si valë të buta sesa maja spektakolare. Ndërhyrja, megjithatë, në këtë popullatë mund të kufizojë gjasat e përparimit në diabetin e plotë” shpjegon ai.
Hulumtimi, i publikuar në Mayo Clinic Proceedings, përfshiu 384 pjesëmarrës, të cilët u vlerësuan nga një mjek për dy javë, duke përdorur të dhëna nga monitorimi i glukozës (CGM) për të regjistruar luhatjet e tij. Në fund, në varësi të rezultateve, ata u klasifikuan si diabetikë, prediabetikë ose të shëndetshëm, sipas udhëzimeve të Shoqatës Amerikane të Diabetit.
Burimi