Shtyhet mbërritja e refugjatëve në Lezhë, ambasadori italian: Ende pa datë

Ambasadori italian në Tiranë, Fabrizio Bucci tha këtë të enjte se nuk ka ende një datë se kur refugjatët do të vendosen në kampin në Gjadër, sipas marrëveshjes Rama-Meloni.
Kryeministrja italiane deklaroi gjatë vizitës aty në Qershor, se me datë 1 gusht do të vinin emigrantët e parë, por kampi nuk është akoma gati.
Ambasadori italian tha nga Gjadri se shtyrja e emigrantëve u bë për shkak të temperaturave të larta.
“Kampi në Gjadër brenda pak javësh do të jetë gati, nuk ka asnjë datë të saktë. Ka ardhur personel nga Ministria e Drejtësisë, mjekë dhe infermierë. Kanë ardhur policë, karabinierë dhe efektivët e GdF nga Italia”, u shpreh Bucci.
Burimi