Provokon Elisa Spiropali: Bardhi i paaftë për të më qëlluar në shenjë

Kryetarja e Kuverndit, Elisa Spiropali, teksa ka marrë pjesë në Forumin Rajonal mbi Mirëqeverisjen dhe Luftën Kundër Korrupsionit, ka folur për incidentet e së hënës gjatë seancës, ku u godit nga Gazment Bardhi me këmbën e një karrigeje, por reagimi në kohë i gardistit, bëri që ajo të mbetej e paprekur. 
Spiropali provokoi opozitën, ku deklaroi se shpëtoi për shkak të paaftësisë së Bardhit për ta qëlluar në shenjë. Ajo tha se e kishte marrë si dhuratë nga stafi këmbën e karriges në një kornizë xhami teksa theksoi se e ka falur deputetin e opozitës. 
“Dje vonë në mbrëmje një grup nga stafi mbështetës i Kuvendit më bëri dhuratën më interesante dhe më të pakëndshme që kam marrë ndonjëherë. Një copë druri brenda një kornize xhami. Copa e drurit, këmba e karriges, që një eksponent i opozitës e hodhi drejt meje për të më goditur. E di që më ruajti fati dhe paaftësia e goditësit për të më qëlluar në shenjë. Si njeri e kam falur, si politikane nuk mund të mos them dy fjalë: Pse kjo egërsi? Pse edhe në vendin ku duhet të mbretërojë dialogu dhe arsyeja dhe jo instikti primitiv thirret në ndihmë dhuna e verbër? Nuk kemi as mundësi as kohë të shtjellojmë arsyet. Po ju them vetëm rolin balancues të pushtetit gjyqësor. Ka ndodhur këtu ku prokuroret e përgjithshëm të këtij vendi shiheshin si vartës, trajtoheshin si kundërshtarë dhe luftoheshin si armiq.”, – tha kryetarja e Kuvendit. 
Burimi