Pjesë e grupit të Erzen Breçanit, ekstradohet nga Spanja Ismail Zeneli

Është ekstraduar nga Spanja në Shqipëri Ismail Zeneli, i shpallur në kërkim nga Prokuroria e Posaçme. Zeneli ka qenë  pjesë e grupit kriminal, ku akuzohet edhe ish drejtuesi i lartë i policisë, Erzen Breçani.
Ai ishte arrestua në dhjetor 2023 nga autoritetet spanjolle, ndërsa ishte një nga të shpallurit në kërkim nga SPAK, si pjesë e grupit ku u arrestua dhe Erzen Brecani.
Ismail Zeneli, sipas SPAK, është personi që donte të vriste vëllezërit Nela për hakmarrje pasi besonte se në vitin 2013 i kishin vrarë vëllain me emrin e ndryshuar, Xhem Krasniqi, krim që kishte ndodhur në Britaninë e Madhe.
Ismail Zeneli akuzohet për veprat penale: “Trafikim i narkotikëve”, në bashkëpunim në formën e grupit të strukturuar kriminal; “Kryerja e veprave penale nga organizata kriminale dhe grupi i strukturuar kriminal” dhe “Sigurimi i kushteve dhe materiale për te kryer vrasje”, në bashkëpunim në formën e grupit të strukturuar kriminal”.
Ismail Zeneli, i shpallur në kërkim për trafik të lëndëve narkotike si pjesë e grupit Breçani, kishte rolin e porositësit dhe financuesit për lëndët narkotike që porosisnin nga Amerika Latine. Por, si pjesë e këtij grupi kriminal, Zeneli kishte pasur dhe përkrahjen për të marrë hakun për vrasjen e vëllait, ngjarje e ndodhur në vitin 2013.
Në dosjen e SPAK sqarohet se më datë 18.05.2013, në rrugën “Church Road” në qytetin e Kentit në Angli, është qëlluar me armë zjarri ndaj shtetasit Xhem Krasniqi me kombësi shiptare. Shtetasi Xhem Krasniqi ka mbetur i plagosur në pjesën e barkut dhe disa ditë më pas ka humbur jetën për shkak të plagëve të marra.
Në momentin që është qëlluar me armë zjarri, shtetasi Xhem Krasniqi ka qenë i shoqëruar nga nipi i tij, shtetasi Kelmend Murataj dhe vëlla i tij, shetasi Ismail Zeneli. Autor i dyshuar për këtë ngjarje ka qenë shtetasi shiptar Edmond Nela, i cili pas një gjykimi në Mbretërinë e Bashkuar, është shpallur i pafajshëm si dhe në momentet e para është kërkuar nga policia e Sussex edhe vëllai i tij, Albert Nela.
Xhem Krasniqi, dyshohet se është identiteti i rremë i përdorur nga personi për tu pajisur me dokumente qëndrimi të Mbretërisë së Bashkuar dhe në të vërtetë dyshohet të jetë shtetasi Guximtar Ismail Sadria. Edhe Ismail Zeneli e kishte ndërruar emrin.
Ismail Rexhep Zeneli, dyshohet se është identiteti i rremë i përdorur nga personi dhe në të vërtetë dyshohet të jetë Luan Ismail Sadria, lindur në Kukës.
Në dosje, Ismail Zeneli bisedon me Bujar Ajetin, i cili ka marrë përsipër ta ndihmojë në këtë hakmarrje dhe i kërkon të gjejë vendndodhjen e dy vëllezërve Edmond dhe Albert Nela, të cilët ishin autorët e vrasjes së vëllait të tij. Më 19 gusht të vitit 2020, Zeneli i dorëzon adresën e saktët të nipit të vellezërve Nela, Ajetit. Ai quhej Arben Nela. Motra e vëllezërve Nela, Silvi Nela ishte ndarë nga partneri dhe djalit i kishte vendosur mbiemrin e vajzërisë. Në atë kohë, banonte në zonën e Laprakës.
Në vitin 2020, shtetasi Ismail Zeneli alias Luan Sadria, i identifikuar si përdorues i SkyEÇcHFNERI dhe SkyEÇ¢Q3QNV9 ka komunikuar me shtetasin Bujar Ajeti alias Bujar Germizi identifikuar si përdorues i SkyEÇ¢Ç4RE2.
Nga bisedat dyshohet se shtetasi Ismail Zeneli ka qenë i interesuar në gjetjen dhe vrasjen e vellezërve Albert dhe Edmond Nela, me qëllim hakmarjen per vrasjen e vellait të tij Xhem Krasniqi alias Guximtar Sadria dhe për realizimin e qëllimit kriminal ka kontaktuar shtetasin Bujar Ajeti. Shtetasi Ismail Zeneli ka kryer disa takime me shtetasin Bujar Ajeti në Shqipëri dhe gjithashtu ka kryer disa veprime me qëllim identifikimin e baneses së vëllezërve Nela. Ai nëpërmjet perdoruesit JTDOFN ka krijuar kontakt me punonjesin e policise Dedan Gjoni, identifikuar si perdorues i SkyEÇ DMI6CF, me të cilin ka lidhur kontaktet dhe nëpernjet tij ka arritur të gjejë adresa dhe automjete nga sistemet e Policisë së Shtetit për vëllezërit Albert dhe Edmond Nela.
Burimi