Dosja “Babale”, shtyhet përsëri seanca për Ervin Salianjin

Është shtyrë sërish seanca gjyqësore për dosjen “Babale”, ajo do të zhvillohet më 20 shtator në orën 10:00
Të pranishëm në sallë ishin këtë të enjte dy avokatët e deputetit Ervin Salianji, Marash Logu dhe Redi Ramaj, ndërsa mungonte deputeti demokrat.
Po ashtu i pranishëm është edhe avokati i Geron Xhafës, Ardian Visha, ndërsa mungoi në këtë seancë avokati Indrit Sefa, avokati i Jetmir Olldashit.
Ky i fundit ka paraqitur kërkesë për shtyrjen e seancës gjyqësore, me argumentin se nuk është në gjendje të mirë shëndetësore.
Pjesë nga diskutimet në seancë:
Prokurori për kërkesën e Sefës: Është një moment procedural që është për tu diskutuar. Sefa ka depozituar një kërkese për shtyrje të seancës, me argumentin se ka probleme shëndetësore. Në këto kushte, e vlerësoj te ligjshme kërkesën e tij, nga ana tjetër i them gjykatës për këto seanca qe shtyhen, nëse do jete mundësi për caktimin e një avokati tjetër.
Redi Ramaj: Të shtyhet seanca gjyqësorë.
Ardian Visha: Shëndeti i z.Sefa, mendoj si gjithmonë është një lojë ping pongu, për të zvarritur këtë proces. Edhe njëherë e përsëris që tregues i këtij fakti është mungesa e Salianjit dhe të tjerëve. Të caktohet avokat kryesisht.
Gjykata vlerëson se për shkak të mungesës së Jetmir Olldashit dhe Indrit Sefës, vlerëson të caktojë një avokat kryesisht. Besa Nikhasani.
Gjykata: Duke patur parasysh faktin qe Sefa ka raport prej dy ditësh, sugjerojmë të shtyjmë seancën ne datë 30 korrik.
Ramaj: E kam të pamundur.
Logu: Kam një proces gjyqësor në gjykatën e Lezhës.
Gjykata: Do ta lëmë në shtator. Shtyhet seanca në datë 20 shtator ora 10.00
Burimi