Deputetët e PD në PPE: Arrestimi i liderit të opozitës antikushtetues, Beleri dhe Salianji hakmarrje politike

Mbajtja prej një viti në arrest shtëpie pa prova e fakte e Kryetarit të PD dhe liderit të opozitës Sali Berisha, arrestimi përpara zgjedhjeve i kryetarit të Bashkisë së Himarës Fredi Bejleri, arrestimi i deputetit demokrat Ervin Salianji ishin shtyllat e diskutimit në Asamblenë e Parlamentit Europian nga Nënkryetari i Partisë Demokratike Oerd Bylykbashi dhe Kryetarja e LDG-së, zëvendëspresidente e EPP Women Albana Vokshi.
Në fjalën e tij, Bylykbashi vuri theksin tek synimi i Edi Ramës për mbajtjen e pushtetit me vota të blera nga paratë e korrupsionit, krimit të organizuar dhe presionit të pushtetit.
Bylykbashi bëri një përmbledhje të situatës së rëndë politike me të cilën po përballet Partia Demokratike këto tre vite të cilat sipas tij vijnë nën sulmet e vazhdueshme të kryeministrit Edi Rama.

“Rama ka përdur të gjitha mjetet, përfshirë drejtësinë e kapur politikisht për të rrënuar PDSH-në dhe opozitën dhe për ta nxjerrë jashtë sistemit politik. Ky sulm vazhdon edhe aktualisht” tha ai.
RENDITJA E FAKTEVE NGA DEPUTETI OERD BYLYKBASHI NË ASAMBLENË PARLAMENTARE TË PPE
“- Vendimet e Gjykatës Kushtetuese po injorohen hapur. Institucionet e pavarura kontrollohen nga shumica qeverisëse.
Për momentin, tre figura politike të opozitës janë në arrest politik ose në burg; dy janë deputetë të grupit parlamentar të partisë demokratike.
Të tre rastet janë të bazuara në prova të fabrikuara.
Këto janë fakte të pastra. Nuk është çudi nëse ne që përfaqësojmë sot PDSH-në këtu në këtë Asamble Politike, mund të arrestohemi për denoncimin e kryeministrit Rama.
Kjo është arsyeja pse kthimi i PDSH-së në forumet e PPE-së është kaq i rëndësishëm në këto muaj para zgjedhjeve.
Ne sot bëjmë thirrje për mbështetjen e fortë dhe të zëshme të PPE-së dhe partive simotra, në përpjekjet tona për të rikthyer demokracinë në Shqipëri, përmes zgjedhjeve të lira dhe të ndershme dhe për të bërë të mundur rotacionin demokratik të pushtetit”, tha Bylykbashi në PPE.
Nënkryetari i Partisë Demokratike Oerd Bylykbashi dhe Kryetarja e LDG-së, njëherazi zëvendëspresidente e EPP Women Albana Vokshi, morën pjesë në takimin e rradhës së Asamblesë Politike të PPE. Ky është takimi i parë i këtij forumi pas zgjedhjeve për Parlamentin Europian ku forcë e parë fituese ishte PPE. Pjesë të rëndësishme të takimit zuri edhe prezantimi i Komisionererëve Europianë të propozuar nga PPE.
Takimi u përshëndet nga z. Marteb Weber, president i PPE, Riberta Metzola, Presidente e PE, Friedrich Mertz, Kryetar i CDU, kandidat për kancelar në zgjedhjet e ardhme gjermane.
Në takim u nderua kujtimi dhe kontributi i ish deputetit të PD, Gerti Bogdani.
Sekretari i Përgjithshëm i PPE uroi mirëseardhjen e PD në familjen politike të PPE.
Në takimet me z. Weber, President i PPE; ishte edhe znj. Dubravka Suica, Komisionere e propozuar për Mesdheun; dhe Doris Pack, Presidente Nderi e EPPW.
gijotina.com/
Burimi