Berisha u mor i pandehur nga SPAK, Alibeaj: Nuk u surprizova

SPAK mori zyrtarisht të pandehur ish-kryeministrin Berisha dhe dhëndrin e tij Jamarbër Malltezi lidhur me aferën e privatizimit të ish kompleksit “Partizani”.
Deputeti demokrat Enkelejd Alibeaj tha se vendimi i SPAK nuk ishte surprizë, ndërkohë që e quan të pakuptimtë protestën e thirrur para SPAK.
“Është procedurë rutinore, nuk më duket se ka ndonjë gjë për të bërë përshtypje në aspektin procedurial. Lëvizjet që pamë, kaq kam për të komentuar. Këto emocionet personale mund edhe t’i komentoj. Rregulli do duhet të mbizotërojë.
Çudia më e madhe që po ndodh është kjo që njerëzit e paprekshëm të dalin para drejtësisë, sepse askush nuk është mbi ligjin. Një qytetar i thjeshtë përballet me drejtësinë në sallën e gjyqit dhe një politikan po ashtu dhe duhet të ketë kujdes mos të japë sinjale kundër drejtësisë.
Kjo është drejtësia që kemi votuar, tani do ishte fisnikëri politike për t’ju bindur për të treguar fytyrën ndryshe për të bërë politikë”, tha Alibeaj për “TCH”.
Burimi