OKB miraton rezolutën e Palestinës kundër Izraelit, Shqipëria voton ndryshe nga SHBA

Asambleja e Përgjithshme e OKB-së ka votuar me shumicë dërrmuese një rezolutë që e urdhëron Izraelin të largohet nga territoret e pushtuara palestineze brenda një viti. Mësohet se rezoluta u miratua me 124 vota pro, 14 kundër dhe 43 abstenime.
Shqipëria abstenoi së bashku me disa vende të tjera europiane ndërsa vetë Izraeli dhe SHBA votuan kundër rezolutës. Kështu, dje u shënua një nga rastet e rralla ku vendi ynë voton voton ndryshe nga SHBA.
Kjo është rezoluta e para që nga viti 1982 që shpreh hapur sanksionet kundër Izraelit dhe ku thuhet se: “Shqetësimet e Izraelit për sigurinë nuk mund të tejkalojnë parimin e ndalimit të përvetësimit të territorit me forcë”.
Kjo është gjithashtu rezoluta e parë e paraqitur nga Palestina që kur Asambleja e Përgjithshme e OKB-së votoi në maj me 143 vota pro dhe 9 kundër për të përmirësuar statusin e Palestinës si vëzhgues në OKB duke i dhënë delegacionit palestinez të drejtën për të paraqitur rezoluta.
Votimi në fjalë pason një vendim historik në korrik nga Gjykata Ndërkombëtare e Drejtësisë (ICJ) që i kërkon Izraelit të ndërpresë praninë e tij të paligjshme në territorin e pushtuar palestinez sa më shpejt të jetë e mundur dhe të ndalojë menjëherë të gjitha aktivitetet e vendbanimeve atje.

#BREAKING
UN General Assembly ADOPTS resolution demanding that Israel “brings to an end without delay its unlawful presence” in the Occupied Palestinian Territory, and do so within 12 months
Voting resultIn favor: 124Against: 14Abstain: 43 pic.twitter.com/hIwn7y6EY4
— UN News (@UN_News_Centre) September 18, 2024

j.l./ dita
Burimi